إخواني و أخواتي في منتدى طلاب عمان ،،،
إن شاء الله إنكم بألف خير و فضل و بألف صحة و عافية ،،،
جديدنا هالمرة من ضمن اللمسات الأخيرة على منتدانا هو تعديلات و تحديثات
مختلفة على محرر النصوص و خصائصه و وظائفه ، سواء كان صندوق الرد السريع
أو صندوق كتابة الموضوع الجديد - الرد المتطور ، بفضل من رب العالمين صار أسرع
و أكثر جودة و سهولة من خلال التغييرات اللي طرأت عليه و نشكر عليها المبرمج العربي
الكبير أبو راشد صاحب البرمجية الخاصة بصندوق الرد المستعمل عندنا :)
الشرح على صندوق الرد السريع يغني عن إعادة شرح صندوق إنشاء الموضوع الجديد :)
لإنهم نفس الشي و الفرق بسيط جدا ً ...
التغييرات صارت كما يلي ،،،
التغييرات الرئيسية الملحوظة لحضراتكم هي 3 تغييرات ... و الباقيين شغلات برمجية ما بتواجه
المستخدم العادي و لا بتدخل فيها ،،، بترككم مع التوضيح ،،
،
و طبعا من الواضح إنهم : الإبتسامات ، العبارات الجاهزة(جديد) و إرفاق الملفات ...
الجديد في الإبتسامات ، إنه عند النقر على رابط الإبتسامات و يتم فتح النافذة المخصصة
إلها ،،، صارت تظهر الأيقونات الصغيرة بشكل منظم ، و هالشي حسب مجموعات الإبتسامات
بحيث انه بيعرف اول شي مجموعة و بعدين إذا إخترنا مجموعة ثانية وقتها بيصير يحمل
بالإيقونات اللي بتنتمي للمجموعة الثانية :) يعني ما رح يقعد سنة يحمل بكل الابتسامات
واللي حوالي عددها 200 ، و يطول و نكون بدنا إبتسامة وحدة مثلا !!! بس بحمل مجموعة
واحدة في كل مرة ، و هالشي من خلال قائمة الإختيار المخصصة اللي رح تشوفوها
في أعلى يمين نافذة الابتسامات ،،، مثل ما هو مبين بالصورة :
و هسه بنيجي للشي الجديد كليا ً :) العبارات الجاهزة ! ،،،
بتتذكروا زمان لما كان عنا أزرار في صندوق الرد بيعطونا جمل جاهزة
مثل البسملة و السلام و التهنئة و الصلاة على النبي عليه الصلاة و السلام ...
العبارات الجاهزة الجديدة بتشبهها في المبدأ و بتختلف بالطريقة ! :)
هالمرة أغلب العبارات هاي رح تكون عبارة عن صور حلوة
بتسهل علينا ننسق مواضيعنا و ردودنا بشكل جميل جدا ً ...
و هالشي من خلال صور للبسملة و السلام مثل ما هو ببداية هاد الموضوع :)
و صور بتيجي كفواصل بين الفقرات و هي جميلة جدا ً و رح تعجبكم :)
و صور ورود ممكن تستخدموها في تواقيعكم و هي بتجنن لأبعد الحدود ،،،
هالشي بيصير كالتالي ،،، جنب قائمة الخطوط و أحجامها في صندوق الرد
صر عنا قائمة جديدة إسمها "العبارات الجاهزة" :) بالضبط مثل ما الصورة
بتوضح ....
و كأمثلة على العبارات الجاهزة ،،، شوفوا هدول :)
و غير هيك الكثيرالكثير بتقدروا تكتشفوه بأنفسكم :):):):):)
آخر شي هو موضوع "إرفاق الملفات" ،،، من هاللحظة ما في داعي تروحوا على الرد المتطور
عشان ترفقوا ملف ،،، بتقدروا تعملوا هالشي من الرد السريع بسرعة و بنفس الطريقة :)
أنواع الملفات اللي بقبلها المنتدى هي
bmp doc gif jpe jpeg jpg pdf png psd txt zip
طبعا ً أكيد بتعرفوا شو هاي الصورة :):):)
و باقي النوعيات ما رح تقدروا تحطوها كمرفقات ، بيعينكم الله إرفعوها على
مركز رفع الصور و الملفات التابع لمجموعة طلاب عمان
http://uploads.6ollab-amman.net
إن شاء الله تكون هالشغلات الجديدة عند حسن ظنكم ...
و إلى موعدنا معكم في مفآجأة ضخمة خلال الأيام القادمة بإذن الله
في أمان الله
ليست هناك تعليقات:
إرسال تعليق
يسعدنا استقبال آرائكم وتعليقاتكم